甄子丹獲內地網民選為電腦遊戲《大唐無雙》最佳代言人，日前他以大俠、武士及總教頭造型拍攝廣告，他說：「總教頭造型要着五件衫，有兩層衫係黑膠造，包到冚仲要舞刀弄槍，拍完連內褲都濕埋。」
子丹雖然拍得身水身汗，但他笑言值得：「早輪去咗加拿大陪仔女放假，大吃大喝兩個禮拜致暴肥近廿磅，但拍呢個廣告係咁出汗，拍完輕咗三磅，再辛苦都值得啦！」