江若琳昨日到電台宣傳，早前忙於拍劇及拍電影的她笑言：「我終於回歸做歌手啦，好開心《Babaya》成電台冠軍歌，證明我由慢歌轉型唱快歌，大家反應都好好。」
對於傅穎及鄧麗欣同樣轉走跳舞路線，江若琳直言有留意兩人，大讚對方的歌衫性感：「我哋唔同路線，我今次玩Hip Hop着寬身衫，過多幾年先跳女仔嘢。（寸傅穎同鄧麗欣老？）唔係，我性格男仔頭啫，再過幾年有女人味先跳，我覺得廿六、七歲嘅女人最有魅力，因為佢哋有多啲人生經歷，我未去到嗰個階段，強扮出嚟都唔好睇。」
