蔡楓華出山代歌星賀台慶

因「四大」問題以致很多歌手都不能亮相無綫，故無綫已公布今年不會舉行《翡翠歌星賀台慶》，但為要將台慶月節目鋪排得熱熱鬧鬧，《勁歌》三十周年晚會正好「攝位」。

周慧敏亦被邀

節目負責人陳家揚承認，節目將出動歷屆經典主持撐場，除了已聯絡曾爆出一句「一剎那光輝不代表永恒」的蔡楓華外，還有盧敏儀及周慧敏等，而「四大」歌手李克勤則有待審批，另崔建邦亦有望在《勁歌》翻生出鏡。

由於蔡楓華過往每出現，其古怪行徑均甚為嚇人，不過與蔡楓華分屬多年老友的陳家揚，稱正與蔡楓華聯絡，知道蔡楓華個人的確受盡壓力，而他本人對復出《勁歌》亦表擔心：「我以前好靚仔喎，依家會唔會變咗阿伯架！」陳家揚認為，蔡楓華復出不止是一個Gimmick，又可當作給他一個機會：「其實當年佢只係講錯嘢啫，既然人都唔喺度（指張國榮），我哋應該畀機會佢，（要佢收身、執靚個樣嗎？）唔使，人年紀大咗自己有改變，只要精精神神就得，我對佢有期望，除咗當晚做主持外，仲想佢唱埋歌。」

崔建邦	周慧敏亦是亮相無綫《勁歌》三十周年晚會的人選之一。（資料圖片）

着重自家歌手

此外，正因無綫被「四大」問題「翹起」，無綫開始着重「自家製」歌手，其中在《超級巨聲2》冒起的林欣彤，她的新歌於YouTube分多段片播出，點擊率已過百萬，無綫為鞏固tvb.com點擊數據，外事部副總監曾醒明昨證實，無綫已透過法律部出律師信給YouTube要求停播。

文：影視組