薛家燕辛辛苦苦將啲仔女養大，依家個個學有所成，長大成人，又夠生性，佢都真係飲得杯落，平時家燕姐出去做嘢，大女兼經理人珊珊好多時都會陪伴左右，除咗可以學嘢，仲可以照顧媽咪。嗰日家燕姐出席活動時，佢就幫媽咪拎手袋同稿，家燕姐一做完訪問，佢就好醒目咁拎份上台要講嘅稿畀家燕姐，等佢讀熟啲。有個咁清楚自己又醒目嘅「私人助手」，幾多錢都請唔到呀！