欣宜興奮捧老竇場
鄭少秋、汪明荃、關菊英等前輩前晚舉行第二場《金曲娛樂真經典》演唱會，由於仙杜拉在阿姐出場前不慎跌倒，令阿姐顯得步步為營，握手時起初要秋官拖實及後更派他做握手代表，阿姐又叫歌迷不要拉着她，而秋官則獲歌迷獻吻。
菊姐在升降台上回到地面時發生小意外，誤降多一級，菊姐即說：「好驚，可能我重啦，呢度好多陷阱。」
昨晚第三場之演出，秋官女兒鄭欣宜低調現身撐場，秋官出場時，她在台下全神貫注欣賞，及後還不斷拍掌及以手機為父親影相，表現興奮。
阿姐與秋官合唱後互笠高帽，阿姐讚秋官多年來均演大俠與出任男主角，秋官則反讚阿姐仲勁：「好多劇都用你個名，《女王辦公室》係人都諗到你，《野蠻奶奶》仲唔係你！？」阿姐否認「野蠻」。前晚演出時不慎跌倒的仙杜拉，昨晚出場時以此事開玩笑，自言「跌得好靚」，博得全場掌聲。
