陳庭欣唔想摸港男
昨日出爐港姐出席《港姐領獎日誌－雪完美》活動領獎，陳庭欣當選後慘遭網友叫「豬扒」，報道更被CNN轉載，她在Blog內大呻有「酸溜溜」之感，幸而睇得開。現場所見庭欣笑容有所收斂，未見笑露牙肉，她承認出活動練習過笑容，但不是對鏡練習：「有啲意見令自己唔舒服都會接受，有得進步就進步，你話我大細眼就話冇得改善啫！」
對於「香港先生選舉」被批評全女班評判侮辱男性，庭欣覺得應該有男女評判，但無綫考慮過認為氣氛會好一點，問她當晚會否摸港男？她說：「我唔想摸，摸完唔會特別開心。（佢哋行埋嚟呢？）我會話『唔好行過嚟，做好自己嗰part先！』」莊思明就力撐全女班評判：「男睇男好怪，唔覺歧視囉，女評判會增加娛樂性。我都期待睇現場，想睇邊個贏，但唔會摸佢哋。」
