林峯ready床戰阿Sa
林峯、蔡卓妍（阿Sa）及王祖藍昨日分別到戲院進行謝票行動，經過今次合作，林峯坦言不介意跟阿Sa演床戲，因為拍電影應生活化，尺度要放寬；而阿Sa亦覺無妨：「但林峯fans多又係白馬王子，我會好驚啫！」
林峯、阿Sa及王祖藍昨日到戲院為電影《翡翠明珠》進行謝票，打頭陣的林峯甫到場便被數十fans圍住，簇擁之下行入戲院，事後他說沒有被抓傷。
一於放寬尺度
由於此片林峯與阿Sa有咀戲，問是否覺得不夠激會再給觀眾驚喜？他說：「咁下套戲激啲。（床戲？）都得，時裝會將自己嘅尺度放寬啲，古裝拍床戲就難啫，我覺得電影可以更生活化，不過呢套戲賣點都唔係咀戲。」之前容祖兒及阿Sa表示票房好就會掹林峯的腳毛，笑指他的腳毛暫時可以保住，林峯打趣的笑言：「希望票房更加好，付出腳毛又點話！」
阿Sa則說享受拍電影的過程，其他少理，對林峯揚言可再激一點與她拍床戲，起初阿Sa不相信他會這樣說，之後就笑言：「好呀！劇情需要冇所謂，但好驚，佢好多fans，係白馬王子。（係咪你白馬王子？）我惟有答係囉！（畀佢電親？）電？好多次，電到頭髮都冇埋。」
建議林峯裸跑
阿Sa表示首次在港「跑戲院」，不過之後去大陸宣傳都要這樣。問及會怎麼宣傳，阿Sa說：「唔知呀，一係叫林峯裸跑，佢多fans嘛。我同祖兒裸跑應該冇人想睇，我哋咪喺側邊打氣囉！」
文：影視組