關心妍（Jade）昨日出席電台訪問，透露有意10月飛往北京及上海支持偶像王菲演唱會，她說：「我參加新秀係唱佢首《臉》，不過擔心買完飛去唔到，因為撞正自己出碟。」她亦贊同二千多元人民幣的門券的確好貴。
Jade踢爆老公對造人信心十足，可惜未能如願一擊即中：「做咗成個月都唔得，佢依家都開始食補品。」她又爆老公楊長智不時買小禮物氹她開心，還晒命說：「佢係送佢鍾意嘅嘢畀我，其實我都唔係咁鍾意啲禮物。（唔驚老公唔高興？）依家會同佢講乜都鍾意。」
