衞蘭開騷 妹捧場賣關子

衞蘭（Janice）將於十月舉行演唱會，昨日她接受電台訪問，對於個唱內部認購超出預期，唱片公司為滿足歌迷，豪擲十多萬將舞台重新設計增加座位，Janice說：「真係o架？唔知呀，如果係就開心。」Janice承諾個唱必定有驚喜。

問到是否安排妹妹衞詩上台？Janice有口難言說：「喺我人生裏面係好想同妹妹分享所有嘢，依家唔肯定咁答大家，總之屋企人一定嚟睇騷。（公司唔畀你講妹妹？）其中一個原因，知大家對佢好關心。」Janice又透露妹妹現時生活得很開心。