謝安琪成頭號叛將冇得放生

無綫與「四大唱片」環球、華納、Sony Music及EMI所組成的香港音像聯盟（HKRIA）去年因版稅問題陷入冰封狀態，事件已交由版權審裁署排期審訊，不過昨午港台DJ李志剛在其主持的《Made in Hong Kong》節目中，談到無綫因版稅導致腹背受敵，他突然爆料透露較早前無綫與四大唱片傾條件，一度和解。李志剛說：「我聽到個傳聞，唔知講唔講好，其實無綫與四大唱片就版稅問題曾一度傾妥，四大唱片唔會將歌手跟無綫簽下獨家歌手合約，基本上無綫亦覺得冇問題，唯一一個無綫講明唔得嘅就係『祝英台』。」由於其他主持人不明「祝英台」所指，李志剛即笑說：「咁鍾無艷啦，因為聽聞佢係第一個接受有線訪問。」他口中那個唯一歌手好明顯是Kay，因為《祝英台》及《鍾無艷》都屬於她的歌曲。

李志剛相信傳聞

本報記者就傳聞向李志剛求證，他笑說：「我係聽過呢個傳聞，唔知真定假，（信唔信？）信信哋。」但阿Kay的環球唱片高級副總裁黃劍濤及其經理人Sammy異口同聲說：「冇聽過，唔作評論，免愈描愈黑。」但本報翻查紀錄，張敬軒才是首個無綫合約歌手以廣東話接受有線訪問，譚詠麟、莫文蔚則率先為有線拍攝宣傳片，不過Kay是第一個四大歌手拒無綫訪問的人，不知是否種下禍根，遭無綫封殺。

李志剛	有指無綫不滿Kay是首位藝人受訪有線。

樂易玲證傾掂數

此外，無綫製作資源部總監樂易玲昨日出席活動時否認與CASH就版稅問題僵持不下，她說：「我哋都係CASH會員，又係發行公司，有劇集主題曲、演唱會、唱片，啱啱先收到CASH寄嚟嘅版稅，佢幫我哋賺錢，互相支持。」樂易玲肯定地表示無綫的音樂節目及勁歌頒獎禮如常舉行，她說：「今朝先開會提到今年勁歌頒獎禮係明年一月十五日搞，藝人啲檔期都hold晒。」至於與四大唱片的關係，她則表示○九年的版稅已搞妥，之後問題則再傾。

文：音樂組