懶理團體抗議 許家傑：入到嚟先算
今屆港男未選已惹風波，最近被男性組織投訴意識不良及涉性別歧視。歷屆代表均有不同意見，當中上屆冠軍許家傑（Jack）力撐節目健康，穿泳褲只是帶出陽光感覺：「去泳池個個都係咁，又唔係全裸！（團體話會踩場抗議！）佢哋入到嚟先算啦！我八月中生日，最好帶埋蛋糕嚟！」提到周秀娜推辭做司儀，Jack大感可惜：「佢係我偶像，唔嚟會失色咗，一係搵伍詠薇做，佢都算係靈魂人物。」
○七年冠軍袁偉豪希望觀眾以開放的眼光看節目：「唔係着泳褲就等於色情，而且喺黃金時段播，點會意識不良？」○五年冠軍高鈞賢則認為，只得女性評判是節目傳統，覺得全場清一色女士會令氣氛更高漲。不過黃長興則略有微言：「我都唔明點解唔請男性嘉賓，可能係公司gimmick。」