詩雅攬公仔陪瞓平衡心理

有心理學家指出，晚上要攬寢具或毛公仔才能熟睡的，是一種對生活嚴重缺乏安全感的表現，詩雅原來亦是其中之一。這天詩雅獲邀到Hello Kitty主題場館率先試玩遊戲及參觀，全程顯得童心未泯，且自爆「閨房事」：「我細個嗰時好濫，好多卡通人物都鍾意過，依家成床仍然放滿公仔，其中有一隻由我十二歲開始就晚晚陪我瞓，我好鍾意佢嘅氣味，就算屋企人叫我攞去洗，我都會唔捨得，結果屋企人笑問我驚唔驚個公仔生蟲。」

儲錢置業家人受惠

隨口笑她缺乏安全感，想不到伊人直認不諱：「係架，講到瞓覺，我要畀好多嘢包圍住，蓋被要蓋過膊頭先瞓到。我嘅安全感來自我嘅寵物，依家養咗兩隻貓兩隻狗，冇咗佢哋就一定唔得。」自言小時候已養成儲蓄習慣的她，入行前原來慳妹一名：「儲錢可以增加安全感，最開心試過用積蓄請父母去北海道旅行，自己完成咗一個心願，感覺好滿足。」至於未來儲錢方向，詩雅自言是向置業目標進發：「買到樓唔單止我有安全感，全家人都受惠嘛。」果然孝順女一名！

詩雅直認自己缺乏安全感，每晚都要攬公仔才可入睡。	在場館內詩雅玩得既忘形又投入。	放大圖片

拍賣善款全歸社會

另外，今年的Hello Kitty展覽將聯同曾志偉的福幼基金舉行慈善籌款，展覽結束後將拍賣所有Hello Kitty代幣錢箱，所得收入將撥到身體殘障兒童福利之用。

文：影視組　攝：唐豁莊