林心如狂野誘計

林心如早前為Rick網站拍攝新一輯宣傳照，與林心如認識十多年的Rick，今次為心如打造了一個較狂野的造型，令「乖乖女」頓變誘惑美眉，Rick表示：「心如一直畀人感覺都係好乖，好小家碧玉型，所以我想佢試一啲新形象，再加上心如演出嗰套《美人心計》喺內地同台灣都收得非常之好，所以我用『美人心計』呢個名嚟設計今次攝影主題。」

充滿愛心

認識心如多年，Rick大讚心如是一個很有愛心的女生，之前他搞產品慈善籌款，心如都有支持他，而認識心如如此長的日子，對於心如近年被指整容，Rick並不覺得心如樣子有很大的改變：「如果心如真係整過容，幫佢整容嘅醫生，都唔好去幫襯佢。最近心如可能因為太多工作所以比較攰，下巴位仲有啲下垂，我建議過佢去打一啲美容針。」

談到最近工作，Rick投資過千萬元，即將推出自家護膚品牌「Expertise」，原材料在日本、法國運到香港加工，正積極籌備中。

文：影視組