徐濠縈支持靚聲囡囡入行
關楚耀、徐濠縈、黃偉文昨晚出席I.T旗下ADIDAS OBYO × LUKER期間限定店開幕酒會，徐濠縈表示與女兒齊患感冒，女兒還關心叫她不要出門，十分體貼，繼又大讚女兒遺傳爹哋陳奕迅的演藝細胞，她說：「佢似爹哋，把聲好好，兒童合唱團老師都大讚，唔似我，似我就五音不全。（會唔會畀佢入娛樂圈？）讀完書入行，如果佢鍾意做呢行，做父母都會支持。」
另外，關楚耀透露將開音樂會，表示有騷開已好開心，會請Mr.擔任嘉賓，而契爺譚詠麟雖表示不會到，可能到時會畀驚喜，亦有聯絡前女友衞詩，但未知對方會否捧場，繼又表示想成立基金會，被問到是否有關戒毒的，他說：「乜都好，有意義就得，我知公眾人物影響力好大，之前都有好多學校請我去分享會。（講禁毒？）唔係只係講吸毒，仲有自己嘅故事，點樣爬番起，依家好多人都吸毒，司機都吸毒，我唔介意以過來人身份同人分享。」