鍾蕙芝捐助狗場好心有好報
為元朗收留流浪貓狗場樂心園而推出慈善寫真的鍾蕙芝（Lavina），昨日親到狗場視察，並呼籲有心人出手幫助。以背心短褲示人的Lavina，表示雖未知寫真銷售數字，但暫時已知會把其中的收益買物資及以現金三萬元捐給狗場。Lavina說：「之前我自己都捐咗五位數字，呢度啲狗貓都係食過期狗糧，依家最欠缺係風扇同水管等物資。」
未知幾時約滿
自言還未跟經理人聯絡故未知合約何時完結的Lavina，笑言可能做善事後運氣好了，「可能係好心有好報，依家我做廣告設計part-time，自從寫真出咗後，加上我住套房嘅報道出咗後，多咗人搵我做設計，前幾日仲接咗個job賺咗三萬蚊，有fans嘅父母仲介紹設計工作畀我，所以唔使咁拮据。」她續說相信人有三衰六旺，故寄語會考失敗者別氣餒，對於Rainbow會考只有兩分，她只說：「佢仲好青春，可以向目標進發。」