呂頌賢搶酒壺爆面縫八針

鄺錦宏1986年入職亞洲電視做助理編導，當年人工只有二千五百元，因亞視人事變動，三年後轉職無綫：「當年係添哥（李添勝）請我，人工高好多有三千五，助導唔使好似喺亞視咁受氣，仲要做埋道具服裝，簡直係由地獄去咗天堂。」

鄺錦宏執導的《射鵰英雄傳》，由張智霖與朱茵主演。	由古天樂（左一）主演的《神鵰俠侶》贏得不少口碑。	甄子丹出腳之快令鄺錦宏讚嘆不已。

睇好鄧萃雯放異彩

1990年升為導演的鄺錦宏，第一部導演的劇集是甄子丹主演的《幹探群英》，許多危險動作，甄子丹都親身上陣：「當年佢已經係藝員之中動作最強，仲好記得佢向我示範出腳，快到幾乎睇唔到佢隻腳有動作，只覺突然有陣風擦過頭髮，在場所有人都Ｏ晒嘴。」

鄺錦宏第一次與近年演藝事業大放異彩的「四奶奶」鄧萃雯合作拍攝《灰網》是十八年前的事，當年他已覺得對方演技自然出色、收放自如：「唔係馬後炮，我早就覺得鄧萃雯有天分又肯努力，當年只係稍欠運氣。」

最滿意《法網群英》

鄺錦宏最覺遺憾是，拍攝由呂頌賢飾演「令狐沖」的《笑傲江湖》，一個簡單的爭奪酒壺鏡頭出意外，令到阿呂面部當場被割破血流如注，送院治理縫了八針，結果臉上留有疤痕，近期再與阿呂合作拍攝《法網群英》，阿呂仍不忘指着臉上疤痕與鄺錦宏開玩笑。

十年前離開無綫以自由身接拍劇集的鄺導演，到目前為止最滿意的作品是《法網群英》：「連續劇要全劇實景單機拍攝，如果喺無綫相信十年後都唔可能拍得到。」鄺錦宏對無綫多年不變的製作模式不無感慨：「做呢行其實好辛苦，所以都希望辛苦得有滿足感。」

文：影視組