鄭嘉穎人已不在恩怨消

鄭嘉穎昨日與廖碧兒、苟芸慧、汪明荃、夏雨等出席新劇《居家兵團》的開鏡拜神儀式，嘉穎表示此劇煞科在即，問到他會否趁拍完劇集之後去拜祭老師戴思聰？他說：「我會做要做嘅事，總之唔希望影響到所有人、所有事。（拍劇時有呢啲負面報道有影響嗎？）冇辦法，娛樂圈係咁，不過對我影響唔大，因為唔係第一次。」問到嘉穎有否聯絡戴思聰的家人？他表示：「呢段時間暫時都唔會，等佢哋專心搞好後事先。（你放低咗啲恩怨？）人都唔喺度啦，仲有咩恩怨？冇，過咗去喇！」