劉欣宜Jason有發展可能
劉欣宜（E Cup Baby）與李蘊昨日齊齊到EMax香港保齡球城出席活動，劉欣宜早前在同一地點被拍到跟樂壇組合4anda（son）成員Jason結伴打保齡，問到兩人是否拍拖，劉欣宜說：「朋友啫，同朋友打波好正常。（佢係咪追你？）要問番佢先知。（你feel唔到？）男仔對女仔有風度好正常。（得你兩個人？）因為我哋之前一齊去睇狗仔，我想養狗，佢又養咗隻貴婦狗，所以搵佢睇下，之後就一齊去打保齡。（你兩個都好好朋友喎？）我同佢哋幾個都幾friend，大家係同期新人又一齊唱歌跳舞。」
不過劉欣宜未有抹殺跟對方發展的可能，她說：「任何人都有可能，將來嘅嘢無人知。（佢係咪你鍾意嗰類型？）我鍾意啲男仔孝順及重家庭觀念，佢哋四個都幾好，都孝順。」而身旁的拍檔李蘊就笑劉欣宜經常神神秘秘，她說：「佢哋啲私人嘢我唔知。」