鄧麗欣怕洩密囤積壞機
鄧麗欣（Stephy）自爆手機內有情慾短訊，為恐私隱外洩，她從來不敢將壞了手機、電腦棄置，寧願堆積在家中。日前她又相約Cookies餅碎好友敍舊，唯獨傅穎（Theresa）不在邀請之列。
Stephy昨日與森美出席電腦節活動，自嘲是電腦白癡的Stephy，家中堆置了一些壞了的舊電腦，她承認怕私隱外洩，Stephy說：「除咗電腦，我啲手機壞咗都唔會攞出去維修，全部放晒喺屋企，所以依家屋企有成幾部手機。」是否擔心情慾短訊外洩？Stephy聽後騎騎大笑說：「除咗有情慾短訊，仲有機密短訊。」是否包括有緋聞男友方力申的短訊？她未開腔，身邊的森美即多嘴踢爆笑說：「全部都係方力申。」
唔係避宿敵
Stephy被問到有傳她不欲與Theresa同台而缺席餅碎音樂會？Stephy否認說：「一早講咗去唔到，唔需要避！」講到日前她曾言希望出發到雲南工作前相約一班Cookies見面，更稱交由好友Angela做聯絡，昨日Stephy表示前幾日已經約她們見面。為何沒有Theresa？Stephy即說太急關係。
冇聯絡電話
至於出席另一活動的Theresa則言沒有接到Angela的電話：「我唔知佢有冇我電話喎！」而Theresa指希望將來Cookies有機會再開音樂會。現餅碎開騷你又不配合？Theresa即言：「其實我真係冇收過佢哋邀請電話。」可有八個女仔電話？Theresa謂：「好耐之前唔見咗電話，電話冇晒，所以我係八個都冇架。」而Theresa稱雖然不能出席但屆時會送花籃祝賀。
文：音樂組