李嘉欣踩舊愛場冇回憶
李嘉欣昨日穿上低胸裙為食肆剪綵，問嘉欣身處舊愛商場會否勾起回憶？她說：「就算有，都係傳媒嘅回憶深過我。（刻意淡忘？）唔係，係冇特別記住。（老公許晉亨畀你出席？）佢去咗公幹，唔知我嚟，佢唔會呷醋，佢好清楚我做乜。遲啲我會帶佢、老爺、奶奶嚟食飯，我哋成日有聚餐。（嚟呢個場有冇加價？）有嘢食最啱我，應該收平啲添！（商場十月開幕會唔會再嚟？）有人請就會，到時再諗。（舊愛親自打電話邀請你？）唔方便講喎。」
對於出爐港姐冠軍陳庭欣被嘲為豬扒港姐，身為大師姐的她明撐暗踩地說：「有時個機制好難選到智慧與美貌並重，以前做評判有啲佳麗開聲三句，我都選唔落手。（網友讚你再選都贏十次！）咁識氹人嘅！我鍾意同自己比較，唔會同師姐師妹比較。」
有此一著
李嘉欣昨佩戴的Swarovski Elements頸鏈來頭十足，由《Sex and the City》著名造型師Shourouk打造，全球只得一條。衣着方面，她以藍色喱士背心襯金色Toga短裙，腳踏五吋淺啡色高跟鞋，效果不俗。