無綫勁歌頒獎禮隨時摺埋

無綫與環球、華納、Sony及EMI唱片公司組成的香港音像聯盟（HKRIA）去年十二月為版稅問題鬧翻，HKRIA突將版稅由原本的五百萬暴增至一千五百萬，無綫覺得不合理，堅拒支付龐大金額。

祖兒基仔受牽連

四大唱片主席鄭文超承認沒有進展，事件已進入法律程序，一切交由雙方律師溝通。問到有否作出讓步？他長嘆一聲說：「唉，讓步唔代表達成協議，依家TVB好多劇集同騷都仲用緊四大唱片公司嘅音樂。（無綫犯法都唔知？）唔夠膽咁講，只係覺得好奇怪，唔知點計好，要等審裁處去判，睇吓條數合唔合理。」

版稅問題纏擾多時，無綫雖已製作《超級巨聲》音樂節目，銳意培育自家歌手，惜成效一般，而四大歌手亦因曝光率減少，令人氣下滑，雙方兩敗俱傷。據知無綫最近還遇上另一難關，年多前開始與CASH洽談版稅問題，但至今仍僵持不下。據知CASH雖然只要求加版稅百分之十至二十，金額為數百萬港元，但無綫最高領導人「六嬸」方逸華卻認為加價不合理，反而要求CASH減版稅，令雙方至今仍未達成協議，有知情人指情況並不樂觀，這事對TVB牽連甚大，因為香港不少作曲及作詞人均屬於CASH旗下會員，一旦兩者關係破裂，無綫旗艦音樂節目《勁歌金曲》，甚至《十大勁歌頒獎典禮》也隨時「摺埋」，到時除已被封殺的「四大」歌手陳奕迅、「契仔」李克勤、謝安琪外，就連容祖兒、古巨基、「親生仔」林峯等非「四大」歌手也受影響，而四台聯頒音樂大獎自版稅風波後，亦已正式取消。

無綫總經理李寶安說：「版稅問題已送到去版權審裁處，亦SETTLE咗同佢○九條數，唔排除有其他途徑解決。（年尾《CASH流行曲創作大賽》繼續做？）會照做，我哋之間一直都冇問題。（《勁歌》總選呢？）冇打算唔做！」

盼無綫尊重創作

CASH發言人Elton則透露：「呢個係涉及世界各地作曲同作詞人等一百七十萬人嘅利益。（今年內要有結果？）都係，無綫都要尊重作曲作詞人，而我哋十幾年合作關係都好好。（傳傾唔成喎！）成唔成唔方便講！總之一路進行，冇嘢要保留。」至於因牽涉每首歌曲的作曲作詞版稅，與之前四大唱片旗下的版稅問題，若無綫不給予CASH版稅，是否大部分的歌曲無綫都不能使用？Elton坦言：「可以咁講，對佢哋係影響好大，但唔可以個別去睇，因仲涉及好多技術上嘅問題。」是否無綫要付很龐大的版稅費用？Elton謂：「唔可以話好高，係合情合理，因為佢哋用每段音樂都係公開播放。」問到九月舉行的《CASH流行曲創作大賽》可受影響？Elton表示因今年有另外一個Project進行，所以會延遲舉行。

文：專案組