Carol椋名凜全裸發曆陳靜接戰盡地一露

繼書展和動漫節惡鬥後，「浸大E神」楊梓瑤（Carol）和「百果園咪神」陳靜（Dada）分別在年底推出性感月曆，Carol將孖住日模椋名凜（Rin）雙E全裸夾擊Dada，Dada火速下戰書：「上次未露晒啲實力！」

兩大E神Carol和Dada為求出位鬥個你死我活，是非停不了，據知，二人將爆發月曆大戰，Carol與「日版Paris Hilton」椋名凜組成雙E組合拍攝全裸月曆，Dada則會推出個人月曆及與數名師妹「雙錘」出擊，看來宅男們又再被o靚模吸乾荷包！

日前Carol和Rin穿上三點式接受專訪時，對於推出月曆甚為興奮。Carol表示寫真雖受批評，實際銷量卻賣出超過二萬五千本，問到月曆會否更性感？她說：「依家都係好初步咁傾，造型都由公司決定，（全裸？）我係專業模特兒，唔會介意，都係想騷最好一面畀大家睇。」

早前影寫真激嬲阿媽的Carol，坦言目前先要「冧掂」對方，她說：「我有同佢提過影月曆，但佢冇出聲，所以依家要同佢再傾。」而Rin亦不介意全裸出擊，她說：「唔介意，不過我覺得有時全裸未必靚，若隱若現反而更性感，如果真係要我全裸，一定要影得有美感。」

至於Dada除與師妹出月曆，同時會推出個人月曆，當她得知Carol亦出月曆即說：「各有各做，市場咁大，到時可能好多人都出呢，希望多啲人出，百花齊放仲好。」不過Dada明言會性感出擊，似乎向對方下戰書，並說：「上次未露晒啲實力。」

文：專案組攝：黎志輝

泳衣：Blossom 場地：Morn Creations

Carol椋名凜全裸發曆 陳靜接戰盡地一露