許瑩呂晶晶寸港姐都幾靚
亞視啟動《2010亞洲小姐競選》，宣布今年總決賽定於11月底舉行，對撼無綫台慶，今年會再次採用國際賽制，廣邀中、港、台、澳門、日本、韓國、印度、越南、新加坡、澳洲等十個地區佳麗參加。問到廣泛招募，是否為杜絕「豬扒」入選？電視製作行政及公關副總裁葉家寶說：「咁多年我哋呢邊都冇乜豬扒，選得出嚟都有咁上下質素。」
一眾亞姐許瑩、王希瑤、許嘉慧、呂晶晶、姚佳雯等盛裝出席記者會，即將卸任的09亞姐冠軍許瑩，評今屆出爐港姐樣貌：「都唔係光看樣貌，可能人哋多才多藝呢!（你覺得靚唔靚呀？）一切盡在不言中，你哋點睇我咪點睇囉！哈哈！」同場的呂晶晶更寸爆港姐陳庭欣：「我見佢笑起上嚟幾靚呀！（佢畀人話大牙肉喎？）我冇留意呀。」至於是否認為亞姐比港姐更靚，眾人哈哈大笑：「我哋幾靚架！」