梁漢文喜報平安混淆視聽

身為安仔多年好友的梁漢文（Edmond），對安仔近日甩拖及Sammi發表千字文一事回應說：「之前冇聽佢提過，真係唔知。（Sammi話諗過復合，但從來冇發生？）呢個唔知，私下極少講感情事，真係唔清楚。」對於有報道指安仔爆粗鬧Michelle，他力撐好友謂：「識佢咁多年，未見過佢對女友講粗口。（贊成安仔同Sammi復合？）咁大個人，冇任何意見，尊重佢決定。」Edmond更為兄弟們澄清，否認兄弟們不喜歡Michelle：「Sammi同Michelle都係咁多年朋友。」

而昨日Edmond與安仔、蘇永康及張衞健飛抵馬來西亞後，Edmond於微博向歌迷們報平安，內容提及四人心情非常興奮，未知是否有意掩飾安仔的沉重心情。

此外，譚詠麟亦把Sammi好友王敏慧（Marianne）的微博轉發到自己的微博以作無聲支持，Marianne則表示會默默支持Sammi。