林峯執番劑甜茶冧阿Sa
昨日，樂壇天后容祖兒、蔡卓妍（阿Sa）、林峯、王祖藍及楊千嬅等為音樂節目《勁歌金曲》錄影，其中阿Sa及林峯早前在新片英皇電影《翡翠明珠》中飾演情侶， 想不到昨日二人也常打情罵俏，非常合拍！
阿Sa早前在內地拍戲，因當地多蚊而要以蚊香驅蚊，但卻引致氣管敏感，她表示：「今日本來唱兩首歌，依家只係同林峯合唱一曲，佢都有畀啲開聲茶我飲！（林峯啲開聲茶好貴，五千元一劑？）唔係啩，佢只係話佢唱歌老師介紹佢嘅。（點報答佢？）我咪叫我媽咪煲番啲五十蚊劑畀佢囉！不過佢啲開聲茶唔同我之前飲嗰啲，係甜嘅。」
夾過鍾嘉欣
問她會否考慮單身的林峯？阿Sa尷尬表示襯不起對方，因對方太好，自己則有很多缺點，如經常生病等。
至於林峯方面，當記者指阿Sa自稱襯他不起時，他說：「唔好玩啦！（可以多個緋聞，唔使成日傳鍾嘉欣？）都好喎，我同阿Sa性格都幾夾，啱傾，夾過同鍾嘉欣，喺公司成日都會見到阿Sa，佢同祖兒都好好笑！（咁揀邊個？）要問阿媽喎！」
文：影視組