楊梓瑤被針對含冰莫白

今年廿二歲的楊梓瑤（Carol）兩年前入行，受公司力捧，原本去年是殺入寫真戰的好時機，不過她一心打算在浸大打好基礎，故無緣與周秀娜、Kama正面交鋒。蟄伏一年，Carol明白遊戲規則，近期為首本寫真集《Huge》頻頻騷胸，她在寫真集中一輯含冰相，被同行轟不雅，她反擊自辯：「每個人立場唔同，我唔會人身攻擊其他人，老實講呢啲照片係有啲激，但都係需求問題，點解大胸女仔影寫真，永遠畀人睇低一線？」

Carol不理那些令她摸不着頭腦的抨擊，只管做好眼前任務：「由決定出書嗰一刻，我已經唔會再在意人哋點講，總之我會滿足大家要求，幫公司賺多啲錢。其實都唔係咁多人憎我，係唔知點解好多o靚模都提我個名做宣傳，不過算啦，好開心呢段時間有一班fans支持我。」

由於父親快退休，楊梓瑤將肩負養家之重任。

楊梓瑤不忿擁有大胸，卻成為被針對的對象。

新戀情甜蜜蜜

早前默認在今年生日時蜜運成功的Carol，其男友真面目甚為神秘，經過旁敲側擊，Carol說：「總之佢係好男仔，我出寫真佢都好支持我，公司叫我唔好講太多感情事，怕會影響工作，我同佢心照就得。」言談間表情冧到爆，可想而知這段新戀情甜到漏啦！

鍾浠文	周柏豪	椋名凜

鍾浠文

如果我有佢咁好身材，我都會出寫真集，佢本書影得好靚，支持佢，同埋我覺得好好笑，因為佢本身係白皮膚嘅女仔，呢排愈曬愈黑，好似成塊朱古力咁。

周柏豪

佢係我同公司師妹，雖然唔算好熟，不過佢出書我都支持佢，佢影含冰寫真？我以攝影角度覺得冇乜問題，其實都係一個話題啫，我飲檸檬茶都含冰啦！

椋名凜

Carol喺我心目中係一個好開朗嘅女仔，每次見到佢都好開心，帶畀大家歡樂。我已經睇過佢本寫真集，真係影得好靚，有好青春感覺，完全冇AV成分，所以唔明人哋點解會咁講佢。

文：呂曉風

攝：黎志輝

泳衣：Blossom

場地：Morn Creations