Rosemary無王管男女通錫

Rosemary同舊愛Christopher拍咗拖兩年幾，離離合合鬼咁多次，最終都係分手收場。甩拖冇耐嘅Rosemary話咁快就同六呎高嘅中印混血男撻着，雖然拍拖初期，Rosemary死口唔認戀情，但就畀人影到佢成日孖住男友去夜蒲兼撐枱腳，兩個出雙入對之餘，仲煙韌到大街大巷又攬又啜。

講電話忟憎

不過早幾晚八太喺中環飲嘢時，就見到Rosemary同混血男友各自各精彩分開玩。嗰晚大約十一點幾，着住貼身背心嘅Rosemary素顏上陣，一條友行去Dragon-i，見佢邊行邊講電話時，個樣鬼咁忟憎，好似同男友嗌交咁款。

嬲爆爆嘅Rosemary收線後，撞到一個南亞裔嘅男友人，唔知係咪男友唔喺身邊無王管，Rosemary竟然同對方又攬又錫嚟個見面禮，仲要講足十分鐘先捨得同呢位男友人咀嘴say goodbye。之後Rosemary行去夜店，又撞到一個女友人，男女通殺嘅佢繼續出招，同女友人攬完再咀至去夜店慢慢蒲。

轉個頭又撞到女友人，Rosemary當然有錫錯冇放過。

Rosemary講電話時非常忟憎。

食咗成粒鐘

至於Rosemary嘅中印混血男友，反而約咗一男一女友人去茶餐廳醫肚，三個人食咗成個鐘頭先埋單走人。出門口嗰陣，Rosemary嘅男友同身着低胸背心嘅女友人似乎特別投契，女方係咁搭住佢膊頭講唔停，兩個過馬路時仲邊行邊玩，女友人仲開心到踎低拉住Rosemary男友唔畀佢走，不過拉扯咗一陣後，Rosemary嘅男友都係急急腳搭的士走人。

Rosemary男友（箭嘴示）與友人離開茶餐廳。

女友人過馬路時突然踎低拉實Rosemary男友。