Donut遇抗議被叫滾出去

o靚模組合Donut昨日在動漫節連趕三場，期間舉行《SUMMER DIARY夏之日記寫真集@Donut簽名會》時，有大約五十多名、自稱SOF的反o靚模團體在附近出現，他們舉起「o靚模滾出去」等紙牌及繫上黃色絲帶，叫喊口號。

該團體的發言人李先生表示，該團體在Facebook上有過萬人支持，他說：「想爭取o靚模滾出動漫，希望大家唔好以為動漫迷係毒男，同埋動漫唔係支持o靚模。黃色絲帶代表色情文化，唔想呢啲文化帶入動漫。」

反o靚模團體高舉橫額及口號，希望「淨化」動漫節。

Donut舉行簽名會期間，抗議團體於外圍贈興。

做大使 非搗亂

對於抗議行動，身為Donut成員的Rainbow說：「香港有言論自由，每年都有o靚模被邀請做gamegirl，因為o靚模同game迷年紀差唔多，等game迷可以多啲關注。（感到掃興？）我做番自己嘢，唔會畀外界影響到。」她續說她們是大會邀請擔任動漫大使，不是來搗亂。

另外，對於亞姐筱靖在微博表示不想跟o靚模合作，Rainbow說不感到被歧視，認為各人有其選擇合作對象的權利。

文：名人組