應屆港姐曲終人散，出爐季軍莊思明遭網友狂踩，又被指內定，身為司儀的曾志偉（左圖）力撐她說：「三甲都係我心目中嘅人選，莊思明個人心地好，講嘢好真。（大熱全出局！）當選嘅高大，選美係選呢啲嘞，其實冠軍口才好，亞軍大方得體！」
志偉與鄭威濤（Ricky）合資的兩間獎門自家烏冬店昨日接連開張，拍檔因被拍得醉酒攬女而臨時避席，志偉被追問對方事時表示：「佢唔係我哋，唔慣畀人追訪，生意人出嚟飲酒應酬冇辦法，今次只可話唔好彩，最慘佢要同老婆解釋。（扭耳仔頂痰盂？）實有啦！」對於被指欲與Ricky劃清界線，志偉無奈解釋：「自己冇睇過啲相梗係唔回應啦！今日睇完，覺得Ricky應該係飲到斷片，所以同女伴goodbye kiss啫。」由於Ricky的飲食生意已拓展到內地，志偉不但不會劃清界線，還笑言希望對方開分店預他一份呢！
另外，記者曾致電Ricky，但電話接通後有人扮聽唔到收線，令記者不得要領。
