陳庭欣爆已有上海男友
出爐香港小姐冠軍陳庭欣（Toby）原來有「皇氣」照住，父親任職警察的她昨日凌晨出席完港姐慶功活動即由大會七人車送抵黃竹坑警察宿舍，上樓後陳庭欣向樓下守候的傳媒作勝利揮手。
陳庭欣昨日出席活動時透露返家後要為《東張西望》拍攝，到凌晨四點才就寢，因太疲累很快就入睡。對於網友指她上鏡笑得肉酸？陳庭欣說：「自己係笑得唔好睇，但係冇諗點樣笑得sharp啲，只係自然咁笑。都有練習過邊個角度笑得最靚，已經比以前好。」
有傳陳庭欣受到康泰太子爺Jason力撐而擇后冠，原來陳庭欣真命天子另有其人，她說：「男友係大陸人，依家喺上海做嘢，喺英國讀書時認識拍咗年半拖，同佢傾電話，佢叫我早啲休息。」
張秀文唔擔心假金
得獎港姐總共獲珠寶贊助商六福總值逾二百八十萬首飾，昨日一班佳麗往領獎，身為股東的楊寶玲對於其珠寶店「中招」收獲假金，她大派「定心丸」說：「公司有百分百保證，有問題一定回收，大家唔使擔心。」 而陳庭欣表示：「唔怕，其實都唔識分，相信六福會有專人去驗證，足唔足金都唔係問題，最緊要係外形靚，同埋后冠、首飾都冇諗過賣。」亞軍張秀文亦表示不擔心假金問題，因沒想過將首飾變賣。