Gag神

問題：發現蘋果裏面有一條小蟲，當然好驚，後來又發現再多條蟲，就更加驚，但想問四位，蘋果入面有幾多條蟲才是最得人驚？

鍾舒漫（Sherman）未聽Gag題已經驚青認輸，她自言IQ低，未有一次猜得中。當聽過問題後，Sherman果然顯得迷惘：「諗唔到呀，有冇貼士呢？」Gag神叫Sherman即管撞下答案：「一定唔係正常答案啦……咁就十條蟲。（冇咁多！）咁九條……八條嘞……七條？（錯呀！）咁我投降啦！」當Sherman聽到真正答案後，她即不忿說：「係喎，點解咁都諗唔到嘅。」

戴夢夢聽到Gag題即顯得踴躍一試，聽完問題後她即答：「係咪五條呀！（點解呢？）因為五即「唔」驚囉！（但個問題係問幾多條係「最驚」唔係「唔驚」喎？）吓！係喎，咁係九條定八條呢？有冇提示呀！」Gag神說：「唔係整數。」夢夢更疑惑：「嘩，即係乜？唔知呀！」當得知答案後，她笑言：「又係喎。」

G.E.M.原來好鍾意玩Gag題，見到Gag神出題都話要玩埋一份，當聽完問題後，G.E.M.即沾沾自喜說：「係半條！」問到是否聽過這個Gag題？G.E.M.笑道：「我聰明囉！（一定係聽過！）都話係我聰明咯！哈哈！」

洪杰自言平時都經常玩「估Gag」，所以都聽聽埋埋不少得意題目，當聽完Gag神今次問題後，洪杰想都不想便答：「答案係半條！因為我之前都估過，就算一個蘋果有一百條蟲，都唔夠見到剩番半條咁驚囉。」

G.E.M.

洪杰

答案：G.E.M.和洪杰都答啱係「半條蟲」，因為蘋果入面如果剩番半條蟲，相信另外半條蟲，你已經食咗落肚，實在超恐怖。