JC胸湧沙排擊潰高海寧

混血女模Jessica C.（JC）和高海寧昨日聯同兩位港隊代表，在淺水灣參加詩蓓白TM沙灘排球星級示範賽，吸引數十人圍觀及拍照，場面墟冚。比賽時，二人表現投入，懶理烏身打波時露出事業線，雖然，高海寧的身材亦見豐滿，但洶湧效果就不敵Jessica的警鐘胸。

有人搭訕應自豪

Jessica稱喜歡陽光與海灘，但怕被偷拍已減少到海灘，她說：「有次我同男友Sergio去沙灘，佢突然同我講有人喺背後影緊我，我即時擰轉頭望，但望唔到，咁樣畀人影令我覺得好怕醜。」雖然怕被偷怕，但她說：「我鍾意着細件嘅比堅尼，因為游水好啲，不過，喺香港就要買可以遮住多啲嘅比堅尼。以前細個試過一次裸泳，當然唔係喺香港啦！」問到在沙灘上，若有人向她搭訕，Sergio會否呷醋，她笑言男友應該感到自豪：「傾一、兩句都OK，但傾得耐佢就會好唔滿意咁望住我。」

高海寧練波手瘀

另外，高海寧剛下車到沙灘時包到實是因為怕曬，並非怕被人(目及)，她說：「之前去大陸做嘢已經黑咗，我想快啲白番。（有冇試過喺沙灘畀人撩？）無，我好少去沙灘，自己唔係好識游水。」提到與Jessica同場，她大讚對方Nice，又稱不怕被比較身材，她說：「我係想成件事靚，一齊展現青春活力，之前特登去練波，練到手都瘀埋。」

文：名人組