超蓮爆超雲睇林峯治情傷
賭王三房長女何超雲與皮草太子王大業（Andy）半年情玩完，昨日身為母親的陳婉珍和二女何超蓮力撐超雲沒患「公主病」，超蓮更踢爆家姐有林峯治情傷。
昨日三太陳婉珍出席東港城的「愛心滿東華免費醫療服務捐助計劃」活動，對於大女超雲與Andy甩拖，有傳是雙方受不了「公主」及「公子」病，三太則言：「唔覺得佢哋有，呢個名詞係你哋畀佢哋。」問到女兒超雲可有常發脾氣？三太說：「其實發生唔開心事總會有脾氣，但喺我面前佢冇乜脾氣，可能面對媽咪關係啦！唔係兄弟姐妹一齊長大，任何人相處都需要磨合。」
要家姐介紹男友
超蓮又大爆超雲失戀後零傷心，她抵死說：「唔多覺（超雲傷心），呢排見佢好興奮去睇林峯。」講到介紹男仔給家姐時，超蓮即謂：「佢介紹畀我差唔多！（你咪有男友Jeremy囉！）係喎，唔好寫呀！」
唔認柏豪做偶像
至於穿上性感短裙騷事業線的超蓮，在活動後走到後台找表演嘉賓周柏豪合照，但又否認視對方為偶像：「今日係嚟陪媽咪，但冇人叫我搞到我唔知醒！（柏豪係你偶像？）唔知，冇所謂啦，佢係朋友嘅偶像！」
雖則超蓮不認柏豪為偶像，但柏豪反踢爆因去年超蓮到書展捧他場而認識對方。超蓮喜歡他？柏豪即言：「冇話鍾意我，係支持我啫。」柏豪稱相識很短時間，很難說進一步發展。
文：音樂組