陳靜谷胸三百人圍觀
百果園咪神陳靜（DaDa）昨日以剪爛Tee谷胸，出席動漫節的Gamania攤位「Love to Play」活動，兩名師妹「翻版大S」李莉琳（Liz）及王梓如（Ayu）全程左右傍實，猶如貼身保鏢，Da Da笑言是左擁右抱，指爛tee是由大會剪爛，並大方承認佩戴nube bra加裝備戰，現場吸引三百宅男圍觀，其中三名幸運fans上台獲贈tee及印上唇印的寫真集。
被問到是否性感對撼周秀娜？DaDa說：「我今朝有睇報紙見佢嘅造型，之前喺髮型屋撞到佢，但佢見我唔到，可能我無化妝認唔到。」早前她與「浸大E神」楊梓瑤（Carol）隔空罵戰，昨日提到周秀娜犯禁入動漫，她明顯大細超揚言不想一言一語似嗌交。但提到Carol自稱是搜尋榜排首位她排第二位，即有骨地說：「可能我呢本寫真無乜嘢睇，所以無人搜尋好正常。」
