黃婉曼周身唔聚財

天氣女郎黃婉曼昨日穿着大會安排的貼身背心和熱褲,雖是有限度性感,但她嫌太過暴露難以接受,搞到渾身不自在,俯身時更露出事業線!

上位成功的黃婉曼和模特兒諸葛梓岐(Marie)昨日齊齊現身「PS Move體感遊戲試玩會」活動,與小朋友玩遊戲時打成一片,大受歡迎。黃婉曼獲大會安排穿小低胸交叉露背貼身背心襯熱褲,不過她就拘謹得周身不自在:「好唔慣,嚟到先知要着咁貼身嘅衫,已黐晒膠紙,打機都盡量唔郁唔跳。」問到是否因為交叉露背?黃婉曼坦言:「接受唔到囉,對我嚟講已經好暴露。」活動前沒有向大會了解衣着?她識做補鑊轉口風:「其實都OK,係我底線高。」在活動上,黃婉曼俯身抱小朋友,不時露出事業線。

Marie怕男友求婚

剛與媽咪從新加坡度假後返港的Marie,活動上不時手舞足蹈,被問到沒有現身動漫節,她鬼馬地扭動上身說:「好明顯我唔係動漫,身材唔夠人哋靚。」談到將到台灣、日本和美國工作,Marie稱未有確認是否拍台劇。Marie又透露八月二十日27歲生日,被問男友薛嘉麟會否趁機求婚,她笑言:「唔好嚇親我,大家都未有共識!總之現階段拍拖開心就可以。」至於有指男友送二手車給她,她沒好氣說:「男友慳吖嘛,我知佢搵錢辛苦。」

文:名人組

Click選心水港姐,請瀏覽on.cc 東方互動《香港小姐2010》專輯