黃宗澤昨到動漫節獻唱《爆旋陀螺》主題曲，吸引大班小朋友圍觀吶喊，他笑指最近經常接獲挑戰書：「住喺我附近啲小朋友放入我信箱，話要同我比併陀螺技術。」
原來小時候的他曾為四驅車玩具而「神魂癲倒」：「通常都走去叫爹哋買，佢好易心軟。（第二時做爸爸都會係咁？）如果個女嗲兩嗲就暈晒嘞。（咁『大囡』呢？）我鍾意女仔性格爽朗，（胡杏兒爽唔爽？）爽o架，總之唔鍾意女仔日哦夜哦，我屋企已經有個阿媽嘞。」
