林莉大膽寫真嚇親媽咪
由港姐轉攻模界的林莉，寫真集推出至今銷量不俗，但人體彩繪部分嚇了父母一跳，但獲不少媽咪級的女士大讚有美感，猶如替她打了支強心針！昨日她獲贈iPhone4，笑言海外的朋友也可看其寫真集了。
昨日身穿紅色吊帶裙的林莉收起性感出席海港城舉行的《3ree iPhone4》活動，她坦言手機用途不錯：「除咗可以用嚟睇書，就連寫真集都睇到，我本寫真集只喺香港發售，依家就連海外朋友都睇得到！」她坦言正開拓海外市場，已接了多個八月份在中國舉行的時裝騷。
獲好評增信心
活動後，林莉行色匆匆，原來乖乖女林莉百忙中抽空陪父母拜神，在途中她遇到媽咪級的女士們大讚其寫真集很有美感，令她開心不已，林莉說：「佢哋話有睇我寫真集，話人體彩繪嗰輯相好有美感，一啲都唔猥瑣，好開心竟然有咁多媽咪級睇我本寫真，仲有正面評價，話唔係賣弄色情。」不過她笑言父母看過她的寫真集後都嘩的一聲：「其實今次係好突破同大膽，可能我向來都係保守內斂，得到咁好評價真係信心大增，日後我會有不同嘗試。」
另邊廂的名模Mandy Lieu經常離港工作，她坦言手機絕不可離身，以便解悶：「我聽朋友講iPhone4好多嘢可以下載，好似GPS同埋可以周圍上網，到時新機在手就可以玩視像，因為未試過都想玩下！」
睇劇本最方便
此外，前晚英皇人氣藝人鍾舒漫、詩雅與洪卓立出席one2free活動，兩位女子組都大讚iPhone4畫面清晰，除會多些拍照外，就算收到整份劇本也可即時睇到，十分方便！而愛上網打機的洪卓立坦言一定會好好享用新機。
文：名人組