衞蘭冇對象唔諗生B
衞蘭（Janice）與黎耀祥昨日出席「親親動物農莊」開幕典禮，在場更即席抱起小黑羊，Janice指早前拍攝電影，有抱嬰兒的經驗，她說：「有個BB可能係畀媽咪抱慣，一抱佢就喊。」問她會否想生B？她說：「都未搵到對象，點諗生BB？」而提及十月舉行的演唱會，Janice指最近有做運動keep fit，她說：「到時我想請唔同公司嘅藝人合作，最想係搵Eason（陳奕迅）做表演嘉賓。」被問到額頭上爆瘡？她謂是身體排毒所致，因她近日減少食肉，令積聚於體內毒素排出。
此外，Janice前晚現身林峯演唱會，並擔任表演嘉賓，兩人在台上獻唱時，觀眾反應熱烈。
黎耀祥同仔講性
至於同場的黎耀祥則表示以前他會向兒子說故事，但兒子長大後就較少向他講古仔。問會否反對兒子拍拖？他笑說：「唔會，對異性有興趣好正常，反而太太就比較緊張，唔想佢咁快拍拖，但我哋會互相溝通。」他又指過幾年後會向兒子灌輸性教育，坦言不會迴避這些問題。
文：音樂組