王祖藍讚女友賢良淑德
王祖藍昨晚現身灣仔新伊館，為英皇娛樂及無綫主辦的《咪咁扮嘢王祖藍演嘢會》進行首場演出，霍汶希、吳雨、樂易玲、杜汶澤、田蕊妮、江欣燕、朱慧敏等均有到場支持。
祖藍以勁歌熱舞揭開序幕，之後與兩位女觀眾玩遊戲，更送出愛的抱抱，又大搞爛gag：「我扮『米輪氏鏈球菌』，嚇到啲細路大嗌：『媽咪，米輪搞我呀！』」之後又不忘冧女友，他說：「我睇完卡通片《相聚一刻》後，好想拍拖，我女友同響子小姐一樣咁賢良淑德！」
有份捧場的朱慧敏大騷男友設計的戒指，她說：「上面寫住『CHANG』係男友個姓，（結婚？）雙方家人都想，男友都求過好多次婚，但我哋未決定到婚後住邊度。」