舒淇恨舌戰城城

城城和舒淇十年前合作過《風雲雄霸天下》，十年後，二人在陳木勝新片《全城戒備》中再度合作。二人在戲中的親熱戲點到即止，沒有接吻戲，舒淇笑言很可惜！

花心叫cut即分手

現稱單身的舒淇，笑言享受不同電影與不同男演員談戀愛的感覺：「我都幾花心，今日可以同城城拍拖，第二部戲又可以同葛優，又期待下一部同另一個。只要一叫cut又可以即刻分手，咁拍拖都唔錯吖。」回想十前年的城城，舒淇指當年的他已是很紅的歌星，難得冇架子又很照顧新人：「今次再合作，佢對電影熱誠冇變過，幾危險嘅鏡頭永冇say no。」

城城手傷留傷痕

舒淇戲中的角色心地差、自私和出賣朋友，她笑言很易掌握，因為不用勾心鬥角，可以直接地去演：「個角色性格演到好嬲自己，覺得自己好恐怖！」有指角色影射侯佩岑，舒淇說：「啲新聞好無聊、好荒謬。」

城城則笑言十年後的舒淇少說了「粗口」：「以前佢廣東話不靈光，成日鬧出諧音字粗口笑話，不過佢好細心o架，有場戲我哋逼喺個車廂度，我因暴肥造型自己拎唔到紙巾抹汗，佢好細心拎畀我，仲摸到佢手仔呀！」談到最難忘的戲份，城城先指變種人肥胖造型令他皮膚敏感需要入院。其次又被貨車撞，玻璃割傷手部血流如注受傷，至今仍留有傷痕。

文：影視組

化妝：Hetty Kwong（郭富城）Ricky @ Zingmakeup school（舒淇）

髮型：Ian Wong @ ii Salon（郭富城）Sev Tsang @ Hair Culture（舒淇）

服飾：Diesel 、Longines（郭富城）Swarovski （舒淇）

場地：8度海逸酒店