台模殺到任抱唔嬲 李毓芬唇印冧fans
有「小徐若瑄」之稱的台模李毓芬今日將從台灣來港踩動漫節場，她會現身大舞台旁，之後又會為自己的寫真舉行簽名會，更會送出愛的抱抱和唇印冧fans。而另外兩位台模林盈臻（大元）與鄭家羽（小羽）昨日亦於動漫節會場給fans送上愛的抱抱，兩人齊齊出席Gameone於動漫舉行的「大元抱抱會」，以性感Cosplay造型，跟fans玩遊戲以及大派禮物，大元更不慎露底。
大元表示是首次來港跟香港fans見面，問到跟fans抱抱有何感覺？她說：「好開心，可以趁呢個機會認識大家，估唔到香港有咁多支持者，有機會我想多啲嚟。（有冇睇過香港啲o靚模寫真？）有。（會唔會考慮出寫真？）我依家唔影得住，太肥喇，等我減肥成功先，我想由45公斤減到43公斤。」
