陳靜Gary拍拖離離合合
「百果園咪神」陳靜（DaDa）與男子組合Square成員趙俊承（Gary）被爆曾有一段情，更流出兩人昔日甜蜜照，Gary昨日接受本報獨家訪問，他坦言與DaDa曾兩度拍拖，對於蜜照外洩，Gary慘成嫌疑犯，他說：「真係唔知點解會出現啲相，分手後怕勾番以前嘅回憶，我已經刪除晒啲合照，之間嘅嘢亦收埋晒，將呢段感情封箱。（朋友流出定DaDa？）真係唔知。（會問番DaDa？）分手後我哋都係好朋友，一路有聯絡，之前雜誌嘅人拎啲相嚟問我回應嘅時候已經通過電話，佢話都有人問過佢。」
報道中又指Gary人氣比DaDa弱，乘機借對方宣傳，問到Gary有否不快？他說：「唔介意，自己好滿意依家嘅工作，一路都忙緊電影工作。」
