麥玲玲花章打走麻雀鬼
由司徒法正及無綫藝人梁嘉琪主持的《詭異檔案》，早前正式進行錄影，首集嘉賓是麥玲玲師傅。麥玲玲在節目中笑指賭場內的鬼魂可能比墳場還要多，還表示有時打麻雀會感覺到身邊有很多麻雀鬼團團轉，除了「周身不聚財」外，更食唔出胡。至於驅走麻雀鬼的方法，麥玲玲笑言是打花章：「即係將自己副牌排到亂七八糟，咁樣就可以成功趕走『麻雀鬼』同有胡食喇，我成日都靠呢一招開胡o架。」
她又自爆多年前曾與師兄弟於晚上為某個樓盤看風水，雖然戶主是男性，但對方應門時竟傳出像小孩般的聲線，嚇到眾人面青，玲玲笑謂：「師兄弟仲呃我話鬼係唔會搞女仔嘅，叫我入去先喎，幾冇男士風度呀！」