吳啟華創業作打人情牌

吳啟華與監製鄧特希自04年拍畢《俠醫傳奇》後，兩年前再度合作拍《法網群英》，現時此劇於亞視播映中，說到收視，啟華坦言沒有想多，更謂：「始終喺亞視播，幾好成績收視都唔會太高，但只要肯播，內地好多觀眾，全球華人亦可以看到。」對於有指鄧特希之前「倒米」，指亞視播的劇沒有人看到，對此他謂：「我嗰陣話亞視宣傳片好難畀觀眾睇到，我並唔係話亞視唔好，（嘥咗心機？）唔會。」

大宇Bobby難斟

啟華目前長期居於北京，每年只拍一劇，現籌備一間公司做製作人，望年尾開劇。他說：「我同巫啟賢係鄰居，佢間公司有唱片部，我會加入影視製作部，投資已搵晒，係等佢（鄧特希）個劇本。（係咪大打人情牌搵演員？）套劇好多個故事，會搵唔同人客串，我同陶大宇、歐陽震華（Bobby）傾過，佢哋啲期真係好難度，自己會做法醫一角。」

之前鄧特希拍完《法網群英》後被工作人員追討欠薪，更要打官司，問信譽方面會否對再開劇有影響時，在旁的啟華即搭嘴笑謂：「對我影響最大，劇本遲囉，我同製作人、老闆傾拍劇，一講鄧特希，佢哋就問係咪畀人告嗰個，但其實問題不大，希望快啲有判決。」

吳啟華（右）做製作人，找鄧特希一齊合作。

吳啟華現時長期在北京居住。

最緊要老闆體諒

啟華又指做製作人、老闆辛苦，既要應酬、又要打人情牌，還說做演員遇着好老闆好緊要，還大呻當年於無綫拍劇，病到天旋地轉但高層仍十萬火急致電要他趕回去開工，但拍《法網群英》時，有次發燒，導演、監製則叫他先休息，分別很大。

文：影視組

攝影：沈健程

場地：沙田麗豪酒店

髮型：Vena Li@Beauty Tech