江若琳貪靚 收梁嘉琪DIY鏡
江若琳（Elanne）與梁嘉琪先後在劇集《學警狙擊》及《洪武三十二》中結緣，雖然二人在劇中對手戲不多，但私底下感情卻十分要好，除了經常相約撐枱腳，更會互送小禮物氹對方開心。Elanne笑謂最難忘的禮物，是嘉琪送贈的DIY鏡子，令她每次照鏡時都甜上心頭：「塊鏡好開心o架！每個圈圈位都有啲好得意嘅貼子做裝飾，好啱我咯，係佢先知道我其實咁少女咋！其他人個個都笑我粗魯。」
問到嘉琪為何要如此「浪費時間」自製鏡子送給Elanne時，她則笑謂：「佢成日都爭贏請食飯，送塊鏡畀佢濕濕碎啦；其實之所以會DIY係因為我唔想買啲周街都有嘅嘢畀Elanne，我想送啲獨一無二嘅嘢等佢記得我。」