何國鉦玩微博安全第一

早前本地時裝設計師何國鉦（Dorian）被指在微博上稱讚張敬軒通櫃言論而被炮轟，而事後他發聲明否認該言論。昨日Dorian與模特兒陳沛嘉出席南灣海景酒店的「打造酒店型人新形象」記者會，問到軒仔一事？Dorian說：「件事已告一段落，軒仔都出咗嚟澄清，（唔敢再玩微博？）本來唔諗住玩，不過我一直有上載啲狗仔相，朋友話好掛住，而我自己都有啲玩上癮，以後惟有喺安全地方先玩，唔會用公眾嘅無線上網服務。（有指你出爾反爾？）可能啲人分唔到邊啲係我寫邊啲唔係，其實我都唔開心，啲人未查清楚就反應咁激，好在當事人明白。」他又透露將於八月底舉行婚紗show，屆時會設計一件逾一千萬元的鑽石婚紗，並會邀得熊黛林作示範。