吳彥祖嗌咪搵老婆

吳彥祖與Lisa S.前晚於跑馬地馬會ADRENALINE舉行婚禮派對，圈中與兩位相熟的台前幕後及靚女模特兒合共約500人齊齊玩至深夜，為保私隱場內貼出「NO微博TONIGHT THANK YOU！」，但喜歡搞鬼的杜汶澤故意拍了張貼在微博上，幽主人家一默。

合　交杯甜吻

派對安排Rapper表演，氣氛非常熱鬧，吳彥祖和Lisa滿場飛招呼好友，及至切結婚蛋糕時更一度找不到新娘子，結果要開咪大嗌「Lisa Wu喺邊度？」，相當搞笑。其後一對新人於特製的非洲土人蛋糕前和嘉賓逐一拍照，繼而更合交杯及深情甜蜜互吻。

兩人交杯合　並情深一吻，甜蜜到爆。

吳彥祖（左起）與昔日Alive戰友尹子維、連凱及陳子聰合照。

栢芝秘道入場

據知與吳彥祖合作過的張栢芝亦有到場，栢芝為免引起注意，刻意由秘道入內，另外李璨琛透露玩到兩點多，並說：「好熱鬧，似敍舊多過婚宴，我哋好多人都有上台唱歌，（Daniel有否被灌酒？）冇人灌佢都冇飲醉。」而方中信亦表示現場沒有安排艷舞女郎，24味更尊重主人家冇唱粗口歌，更說：「我哋捐咗幾千蚊出嚟做善事，覺得咁樣嘅婚禮好有意義。」同場的洪天明單拖出席，大讚派對很sweet。

文：影視組