Karen眼濕濕為熊請命
莫文蔚（Karen）與Rosemary昨晚應邀出席「亞洲動物基金拯救月熊十週年」活動，Karen的家人亦有出席。Rosemary以黑白色低胸連身裙性感現身，Karen則以灰色連身裙襯粉紅色高踭鞋，高貴迷人。大會向兩人致送紀念品，並播出內地抽黑熊膽的片段及Karen的呼籲片段。
曾多次到內地探訪的Karen表示：「頭先睇片睇到我眼濕濕，每次探訪都好難忘，呢個世界唔應該有啲咁嘅事。（拍宣傳片？）係呀，片入面嗰個小朋友係我契女，即係何志恩（時裝設計師）個女。我覺得呢啲觀念應該由細訓練、由細灌輸。」
鬧人食野味
Karen表示最難忘領養黑熊的場面：「當時我見到佢哋喺個籠入面，真係好恐怖！最後我揀嗰隻改咗名叫『寶貝』，因為佢有回頭望我，好似叫我救佢咁。依家養咗五年啦，佢好健康。有時返內地做嘢，啲人話去食野味，我會鬧人o架！」
另外，前晚Karen與唱作組合Swing舉行音樂會，以水手裝現身的Swing摺起褲管變「熱褲」，笑言要與Karen鬥性感。Swing成員Eric又即興改歌詞嘲女友葉佩雯肥。事後Eric解釋只想激勵對方減肥，莫文蔚即謂：「肥都可以好可愛啫！」Eric亦說：「佢都可愛咗好多年啦！」
文：音樂組