張繼聰據理撐Kay走音無罪

張繼聰打從與謝安琪（Kay）組織家庭開始，兩夫妻經常成為新聞目標，由初時被形容貧賤夫妻，到阿Kay憑《囍帖街》爆紅，變寫成阿聰要靠老婆開飯，到近期阿Kay人氣滑落，傳聞即玩角色轉移，輪到阿聰要撲水養家可謂日日新鮮。對傳聞衝着太太而來，阿聰看盡眼內：「佢承受同經歷嘅壓力我最清楚，有啲人立心要做一啲事去害佢打擊佢，佢反而當成一種試煉令自己成長，真係好堅強。」

批判文化自以為是

阿Kay曾被抨擊唱歌失準，身為丈夫的阿聰即為愛妻討公道：「佢失準次數五隻手指數得晒，喺香港樂壇歌手咁密集式工作，體力虛耗大一定有咁情況，邊有歌手冇走過音，冇失過準先！球王都會交錯波，射十二碼都會射失嘅啦！」阿聰指有段時間阿Kay兩邊聲帶發炎，導致有「翻喉」情況，得知問題所在出錯自然迎刃而解。阿聰有感香港有股「批判文化」，每個人都當自己是歌唱老師專門挑出別人錯處。

對於阿Kay演出失準，張繼聰指歌迷理應體諒。 （資料圖片）

阿聰護妻情切，希望能討個公道。

自組劇團過足戲癮

童星出身的阿聰，對演戲興趣一直未有退減，之前便參與電影《葉問前傳》演出，雖然只是客串，但覺得是一種不錯經驗，為解戲癮他更自組劇團700，正埋手籌備年尾的頭炮舞台劇，亦堅持公私分明，演出拒預阿Kay一份，阿Kay只需做台下的女人支持便已足夠。

攝影：秦健輝

服裝：5cm

化妝：Kit　

髮型：Jobby

場地：皇家太平洋酒店

文：音樂組