藝人蟹貨變奇貨 捱過樓市低潮
九七年樓市低迷，令不少豪宅頓成蟹貨，但若「頂得住」無放，留到今時今日，又可反敗為勝，王菲、陳百祥、狄波拉便是當中代表。狄波拉於九七年以約一千九百萬元買入西半山雍景臺，現估值約二千萬。狄波拉表示：「我都唔識睇樓市，層樓又唔係炒，係自住嘅，都冇話鬆唔鬆綁。我覺得依家內地好多買家嚟咗香港買樓，令到樓市有支持，但依家已經升到有啲唔平衡，香港嘅用家好難上車。」
陳百祥於樓市高峰期擁有九龍塘玉蘭路相連單位，總成本價接近二千萬，如今市值高於三千萬。雖然現在樓價高企，但他笑言若玉蘭路有相連單位會繼續掃貨。樂壇天后王菲亦於九七年以四千多萬買入九肚山寶松苑單號屋，最近升至五千萬。
